صينيه الدجاج بالكريمه ... تعجبكم

[أميرة القلب]

السلام عليكم ورحمة الله
هلا خواتي
اليوم بكتب لكم مقادير طبخه اتمنى تعجبكم بسميها صينيه الدجاج بالكريمه

المخاسير : عفوا المقادير

3 بطاطا مسلوق ( ومهروس)
2 جبن كرافت الاصفر ( مبشور )
دجاجه ونص مسلوقه ( ومقطعه مثل الشاورما )
جزر
فلفل اخضر مسلوقه
بصل
( حسب الرغبه )
وملح وفلفل اسود
1 علبه كريما خفق > كريمه حمرا كي دي دي
واذا حابه تحطين مشروم احلى ..علبه كامله !

الطريقه :

يخلط البطاطا المهروسه مع الجبن ويعجن حتى تختلط عدل وشويه ملح
توضع على جنب

نجهز مقلاة ونحمر الزيت

لما نسلق الجزر والفلفل الاخضر مع بعض بقدر حتى تنضج .. نقطعها بالطول ونقليها مع البصل والبهارات والملح والفلفل الاسود نضبف الدجاج لما الخلطه تنضج نصب الكريما الحمرا ....

نصبها ببايركس كبير وبعدها نحط البطاطا المهروسه بالجبن فوقها وندخلها الفرن الين يحمر الوجه ..

المقادير تكفي ل 3 اشخاص تقدرين تزيدين المقادير دبل اذا كنتوا اكثر
وهذي صوره
http://www2.alrwaq.net/upu/05060111154348552.jpg

يعطيكم العافيه

الموضوع منقول من ملتقى عالم حواء

أختكم ... أميرة القلب

[دموع الملاك]

الله يعطيك العافيه اختي
شكلها حلوه بجربها انشاء الله
تحياتي ....

[نورة]

يديك العافيه أميرة القلب وتسلمي على الموضوع ... وكمان عالصورة ...


نجربها شكلها حلوه

يسلمك ربنا ياغاليه ومن حلو الى أحلى يااااااااااارب